ჯანმრთელობის მდგომარეობის გაუარესების გამო, კათოლიკოს პატრიარქი ილია II კავკასიის მედიცინის ცენტრშია მოთავსებული, სადაც ის ექიმების მეთვალყურეობის ქვეშ იმყოფება. მედიის ინფორმაციით, პატრიარქის მდგომარეობა წუხელ დამძიმდა. ჯანდაცვის მინისტრისა და ექიმების განცხადებით, მას უკვე ჩაუტარდა ყველა საჭირო გამოკვლევა და შესაბამისი სამედიცინო პროცედურები.
მინისტრის თქმით, „ექიმების მხრიდან ყველაფერი გაკეთდა საიმისოდ, რათა მაქსიმალურად ყოფილიყო უზრუნველყოფილი პაციენტის უსაფრთხოება. ასაკისა და ყველა ფაქტორის გათვალისწინებით, ვითარება მარტივი არ არის. ამჟამად პაციენტი იმყოფება ინტენსიური თერაპიის განყოფილებაში და მიმდინარეობს დაკვირვება“.
ექიმების ინფორმაციით, პატრიარქი კლინიკაში კუჭიდან მასიური სისხლდენით შეიყვანეს. მას ჩაუტარდა შესაბამისი სამკურნალო და დიაგნოსტიკური პროცედურები და ამჟამად კრიტიკული რეანიმაციის დეპარტამენტშია მოთავსებული.
ექიმების შეფასებით, პაციენტის მდგომარეობა ამ ეტაპზე სტაბილურია, თუმცა საყურადღებო რჩება და საჭიროებს ინტენსიურ მონიტორინგს.
