ფოტო: Mo Se
საქართველოს კათოლიკოს-პატრიარქი, უწმინდესი და უნეტარესი ილია II სიონის საპატრიარქო ტაძარში დაკრძალეს, მანამდე ტაძარში მისი სულის მოსახსენიებელი პანაშვიდი აღევლინა. სამგლოვიარო პროცესში ათასობით მოქალაქე მონაწილეობდა.
პატრიარქი სამების საკათედრო ტაძარიდან სიონში სამგლოვიარო მსვლელობით გადაასვენეს. „გვიყვარხარ პატრიარქო“ – ამ შეძახილებისა და ტაშის ფონზე გამოასვენეს იგი. გზის მთელ პერიმეტრზე განლაგებული იყვნენ სამხედრო მოსამსახურეები საქართველოს დროშებით.
ილია II 17 მარტს გარდაიცვალა. 18 მარტიდან მისი სამოქალაქო პანაშვიდი სამების ტაძარში მიმდინარეობდა, სადაც პატივის მისაგებად მოქალაქეთა უწყვეტი ნაკადი იყო, ბევრს საათობით, რიგ შემთხვევებში კი ღამითაც უწევდა ლოდინი.
დაკრძალვის დღეს დილით სამების ტაძარში წირვა აღევლინა, რომელიც საქართველოს საპატრიარქო ტახტის მოსაყდრემ, შიო მუჯირმა წმინდა სინოდის წევრებთან ერთად აღასრულა. წესის აგების მსახურებაში მონაწილეობდა ასევე ბართლომეოს I.
ილია II საქართველოს მართლმადიდებელი ეკლესიის წინამძღვრად 1977 წელს აირჩიეს.
