საქართველოს სახელმწიფო ელექტროსისტემის ინფორმაციით, ქვეყნის მასშტაბით ელექტროენერგიის მიწოდება სრულად აღდგენილია.
უწყების ცნობით, აღდგენითი სამუშაოები მთელი ღამის განმავლობაში მიმდინარეობდა და ელექტროენერგიის მიწოდება მომხმარებლებისთვის ეტაპობრივად აღდგა.
ელექტროენერგია ქვეყნის მასშტაბით 24 ივლისს, დაახლოებით 00:10 საათზე ავარიულად გაითიშა. ავარიის შემდეგ ენერგოსისტემაში სამუშაოები დაუყოვნებლივ დაიწყო, რის შედეგადაც ელექტრომომარაგება ღამის განმავლობაში ეტაპობრივად, ხოლო ამ დროისთვის სრულად არის აღდგენილი.
საქართველოს სახელმწიფო ელექტროსისტემაში აცხადებენ, რომ პარალელურად მიმდინარეობს ავარიის ზუსტი მიზეზების დადგენა.
