ირაკლი ჭეიშვილი, რომელიც “ქართული ოცნების” შტაბის ხელმძღვანელია ადასტურებს, რომ პარტიას ქოლცენტრები გააჩნია. უმაღლესი საბჭოს დეპუტატი ამის შესახებ სოციალურ ქსელში წერს. მისი თქმით, არჩევნებზე ამავე ქსელის მეშვეობით მუშაობდნენ.
“ჩამორჩენაში გულისხმობდა, არჩევნებზე მისული ჩვენი მომხრეების აღრიცხვას პროგრამულად და მაგაზე საუბრობს, რომ 30 პროცენტი გყავთ ჯერ შეყვანილი პროგრამაშიო, თქვე ტლუებო. რეალურად ჩვენი მომხრეები მისულები იყვნენ და პროგრამაში შეყვანა გვიანდებოდა. რაც შეეხება თვითონ ქოლცენტრს, კითხეთ იმ ოპოზიციონერებს ვისაც თავის დროზე ჩემთან უმუშავია შტაბში და ეხლა ოპოზიციაში არიან, დაგიდასტურებენ რომ ქოლცენტრი 2014 წლიდან გვქონდა, ვურეკავდით ჩვენს კოორდინატორებს და შეგვყავდა ინფორმაცია, თუ რამდენი ჩვენი მომხრე იყო უბანზე მისული. წელს განსხვავებით წინა წლებისა, ყველა უბანზე გავაკეთეთ პატარა-პატარა ქოლცენტრები, საიდანაც უფრო მარტივი გავხადეთ კომუნიკაცია უბნის უფროსებთან და ქოლცენტრის უფროსებს დავარქვით კაპიტნები. ბათუმში წლები გვქონდა ერთი ქოლცენტრი და წლევადელ არჩევნებზე გავხადეთ მეტი ადამიანების ჯამი არ შეცვლილა
#ბეგო გეგეჭკორი მაგარი სქემა კი გაგვიშიფრეს ისე ვაი ამათ პატრონს,” – წერს სოციალურ ქსელში ირაკლი ჭეიშვილი და ამ სტატუსის TV პირველის ეთერში გასულ ჟურნალისტურ გამოძიებას ეხმაურება.
ინფორმაციისთვის: “ტვ პირველმა” მმართველი პარტიის შიდა მიმოწერები, ხმოვანი შეტყობინები და სხვადასხვა ფორმატის ფაილები მოიპოვა. “შაბათის ეთერის” მიერ მოპოვებული აუდიოჩანაწერი ადასტურებს, რომ “ქართული ოცნება” თითოეულ საარჩევნო უბანზე მიბმული ე.წ. ქოლ-ცენტრით ატარებდა არჩევნებს.
ცნობისთვის: არჩევნების შედეგების თანახმად, “ქართული ოცნების” ბათუმის შტაბის ხელმძღვანელი საპარლამენტო მანდატის გარეშე დარჩა. ირაკლი ჭეიშვილი “ქართული ოცნების” პარტიული სიის 98-ე ნომერი იყო.
