“ნაციონალურმა მოძრაობამ” ბათუმის ბიუჯეტის ალტერნატიული პროექტი შეიმუშავა, რომელიც დღეს მხარდაჭერებს გააცნო. პრეზენტაციისას ითქვა, რომ დოკუმენტში ის საჭიროებები მოხვდა, რომლებიც მოსახლეობასთან შეხვედრისას გამოვლინდა. პარკირებისა და საცობების პრობლემა, სიღარიბე, უმშევრობა, ახალგაზრდების სხვადასხა საჭიროება და ინფრასტრუქტურის კეთილმოწყობა – ეს, ის ძირითადი საკთხებია, რომლებზეც ბიუჯეტის პროექტშია საუბარი.
“ნაციონალური მოძრაობის” წევრების თქმით, მათ მიერ შემუშავებულ ბიუჯეტის პროექტს განსახილველად საკრებულოს გადაუგზავნიან.
„ჩვენ ამ ქალაქში 40 ათასი სოციალურად დაუცველი არ უნდა გვყავდეს, ამიტომაც პრიორიტეტული ის ადამიანები არიან, რომლებსაც დახმარება სჭირდებათ. ამ ქალაქში არ უნდა იყოს საცობის პრობლემა და არ უნდა დადიოდეს ღარიბი ადამიანი. ამიტომაც, ჩვენ ვთავაზობთ ხელისუფლებას ბიუჯეტის ალტერნატიულ პროექტს. ან მიიღებენ ამ პროექტს და განვითარდება ქალაქი, ან დარჩება ისე, როგორიც არის ჩიქოვანისა და რიჟვაძის ხელში. ჩვენ შევალთ ყველა უბანში, ყველა ეზოში და მივიტანთ ჩვენს სათქმელს. ეს არის პირველი შეხვედრა. „ნაციონალური მოძრაობა“ აგრძელებს მოქალაქეებთან შეხვედრას და მე მოვუწოდებ ყველას – შემოგვიერთდით, ერთად დავგეგმოთ ბათუმის ბიუჯეტი და ერთად გავაკეთოთ ის, რაც სჭირდება ამ ქალაქს,” – განაცხადა რევაზ ხარაზმა შეხვედრისას.
“ჩვენ ვხვდებით მოსახლეობას და ის პრობლემები, რაც ძირითადად მათ აწუხებდა, შევეცადეთ გადაგვეტანა პრეზენტაციაში. ეს გეგმა არის მორგებული არა ჩინოვნიკებზე, არამედ ხალხზე. ეს გეგმა მორგებულია ახალგაზრდებზე, სოციალურად დაუცველებსა და ყველა იმ პრობლემაზე, რაც თანაქალაქელებს აწუხებთ. ყველაზე მნიშვნელოვანი, რაც ჩვენთვის და ახალგაზრდებისთვის არის, ეს გახლავთ – ბინის ფასები. იმის შემდეგ, რაც რუსეთის მოქალაქეები შემოვიდნენ, ახალგაზრდებს უჭირთ ბინის ქირის გადახდა. ჩვენ ვთავაზობთ 500 ლარიან ვაუჩერებს სოციალურად დაუცველებს, ვინც არის 70 ათას ქულამდე და შევეცდებით შევუმსუბუქოთ ამ ადამიანებს ყოფა,” – აცხადებს ედიშერ ჟღენტი, ნაციონალური მოძრაობის წევრი.
