ქობულეთის მერიამ მეშვიდე საბავშვო ბაღის შენობის რეაბილიტაცია ამ დრომდე ვერ დაასრულა, შესაბამისად უცნობია როდის განახლდება სააღმზრდელო პროცესი დაწესებულებაში. მშობლები “აჭარა თაიმსს” დაუკავშირდენ და დახმარება ითხოვეს. მათი თქმით, არაერთი დაპირების მიუხედავად, მუნიციპალიტეტი თავის პირობას არ ასრულებს.
ერთ-ერთი მშობლის თქმით, ბაღების გაერთიანებამ ნათესავებისა და ნაცნობების ბავშვები კარგ და მათთვის ტერიტორიულად მოსახერხებელ დაწესებულებებში გადაანაწილება უზრუნველყო, ხოლო ზოგიერთ მათგანს კილომეტრების გავლა უწევთ.
“ბავშვთა უმრავლესობა სკოლამდელი აღზრდის გარეშეა დარჩენილი. იმის გამო, რომ გამოყოფილი საბავშვო ბაღი ჩვენი დასახლებიდან მოშორებითაა ტრანსპორტირებას ვერ ვახერხებთ. გარდა ამისა, ძალიან ცუდი პირობებია, მცირე ოთახებია და გაუმართვი ინფრასტრუქტურით. ნაცნობების ბავშვები კარგ და მშობლებისთვის მოსახერხებელ ადგილებზე გადაანაწილეს, რამაზ უსამართლობის განცდა დაგვიტოვა.
არავის არაფერზე აქვს პასუხი. ტელეფონსაც არ პასუხობენ მერიაში. საჯაროდ დაწერილ პოსტებზე კი მთხოვენ განმარტებას. ჩვენს საბავშვო ბაღში დღემდე არაფერი გარემონტებულა, ისევ მოუწესრიგებელია,” – ამბობს AJARATIMES.GE-თან საუბრისას ლამზირა მოწყობილი.
“სამუშაობი თითქმის დასრულებულია და თებერვლიდან ჩვეულ რეჟიმში გაგრძელდება მუშაობა,” – ქობულეთის მერიაში ამტკიცებენ, რომ N7 საბავშვო ბაღში სააღმზრდელო პროცესი 1 თებერვალს განახლდება.
