აუდიტის სამსახურის ცნობით, 2023 წელს რესპუბლიკური ბიუჯეტიდან საჯარო დაწესებულებებში, საჯარო სამართლის იურიდიულ პირებსა და არასამეწარმეო იურიდიულ პირებში დასაქმებულთა ხელფასებზე გაწეული ხარჯი 69,073.5 ათასი ლარია. მათ შორის „შრომის ანაზღაურება“− 52,235.7 ათასი ლარი.
აუდიტორები წერენ, რომ ეს მონაცემები 9,921.3 ათასი ლარით აღემატება 2022 წლის მაჩვენებელს, ხოლო შრომითი ხელშეკრულებით დასაქმებულ პირთა ანაზღაურება − 16,837.8 ათასი ლარია, რაც ასევე, აღემატება 2022 წლის მაჩვენებელს.
“რესპუბლიკური ბიუჯეტის შესრულების ანგარიშში არ არის წარმოდგენილი ინფორმაცია საჯარო დაწესებულებებში, საჯარო სამართლის იურიდიულ პირებსა და არასამეწარმეო (არაკომერციული) იურიდიულ პირებში შრომითი ხელშეკრულებით დასაქმებულ პირთა რაოდენობის შესახებ.
მიზანშეწონილია, რესპუბლიკური ბიუჯეტის შესრულების ანგარიშში წარმოდგენილ იქნეს ინფორმაცია შრომითი ხელშეკრულებით დასაქმებულ პირთა შესახებ, დასაქმების ტიპის მიხედვით, რაც შესაძლებელს გახდის სხვადასხვა ფუნქციის მქონე თანამშრომლების რაოდენობების კანონმდებლობით განსაზღვრულ ლიმიტებთან შესაბამისობის ანგარიშგებას,” – აცხადებენ აუდიტის სამსახურში.
