„ვისოლი“ ელექტრომობილების დამტენი სადგურების განვითარებას აქტიურად განაგრძობს. Wissol-E-ს მიმართულების ფარგლებში, კომპანიამ ბათუმში, ტბელ-აბუსერიძის ქ. N24-ში მდებარე „ვისოლის“ კომპლექსზე ელექტრომობილების ახალი, მასშტაბური ჰაბი წარადგინა, სადაც ერთდროულად 10 ელექტრომობილის ულტრა სწრაფი დამუხტვაა შესაძლებელი
ბათუმის ჰაბის ამოქმედება სტრატეგიულად მნიშვნელოვანი ნაბიჯია, რაც ელექტრომობილის მფლობელებს საშუალებას აძლევს სრულიად შეუფერხებლად იმოგზაურონ საზღვაო კურორტებისკენ. აღმოსავლეთ საქართველოდან დასავლეთისკენ მომავალ ნაკადს მაღალი სიმძლავრის სადგური ჯერ გორში, შემდგომ არგვეთაში და ახლა უკვე ბათუმის ახალ ელექტროჰაბში დახვდება.
„ვისოლის“ ახალ დამტენ სადგურზე დამონტაჟებულია 360 კილოვატიანი ინოვაციური Power Bank – სისტემა, რომელიც საშუალებას იძლევა, რომ ერთ ავტომობილს მიაწოდოს 280 კვ.-მდე საათში. სადგურზე არსებული დამტენების ჯამური სიმძლავრე 560 კილოვატს აღწევს. „ვისოლის“ ელექტროდამტენ სადგურებზე ელექტრომობილები მზის ელექტროსადგურების მიერ გამომუშავებული ენერგიით იმუხტება, რომელიც არგვეთასა და გორში კომპანიის დასვენებისა და მომსახურების ცენტრენთან მდებარეობს.
„ვისოლს“ ავტოგასამართ სადგურებზე ელექტროდამტენი სადგურების ყველაზე ფართო ქსელი აქვს საქართველოში. ეკო მეგობრული ტრანსპორტის მფლობელებისთვის „კეთილ მგზავრობას“ „ვისოლი“ მთელი ქვეყნის მასშტაბით, 9უკვე 10 ქალაქში განთავსებული 17 ელექტროდამტენი სადგურით უზრუნველყოფს, სადაც ერთდროულად 54 ელექტრომანქანის დამუხტვაა შესაძლებელი.
ბათუმის სადგურზე დამონტაჟებული თანამედროვე დამტენები სრულად შეესაბამება საქართველოში არსებულ ავტოპარკს და იდეალურად ერგება ევროპული, იაპონური და ჩინური წარმოების ელექტრომობილებს. გარდა ამისა, მომხმარებელს შესაძლებლობა აქვს, ავტომობილის დამუხტვის პროცესში კომფორტულად დაისვენოს და ისარგებლოს ადგილზე არსებული “სმარტის” სუპერმარკეტის მომსახურებით.
ახალი ჰაბის გახსნას “ვისოლმა” სპეციალური საზაფხულო ღონისძიება მიუძღვნა, სადაც მოწვეულ სტუმრებსა და მედიის წარმომადგენლებს სასიამოვნო მუსიკია და საზაფხულო დეკორაციებითა შქმნილი გარემო დახვდათ.
“ვისოლის კორპორაციული სოციალური პასუხისმგებლობის ერთ-ერთი მთავარი პრიორიტეტი გარემოზე ზრუნვა და ეკო-მეგობრული ტრანსპორტის პოპულარიზაციაა. Wissol-E-ს ფარგლებში ბათუმში ამ მასშტაბური ჰაბის გახსნა ჩვენი სტრატეგიული ხედვის ნაწილია. გვსურს, ელექტრომობილის მფლობელებს – როგორც ადგილობრივებს, ისე ზღვისპირეთში დასასვენებლად ჩამოსულ სტუმრებს – შევუქმნათ მაქსიმალური კომფორტი და გავუმარტივოთ უსაფრთხო, ეკოლოგიური გადაადგილება მთელი საქართველოს მასშტაბით”, – აცხადებს “ვისოლის” გენერალური დირექტორი ვასილ ხორავა.
“ვისოლი” ელექტროდამტენები ქსელის გაფართოებას მომავალშიც გეგმავს. მიმდინარე წლის ბოლომდე „ვისოლის“ ავტოგასამართ სადგურებზე ჟინვალში, რუსთავში, ხაშურსა და ქობულეთში კიდევ 4 ელექტროდამტენი ჰაბი იფუნქციონირებს.
