„აჭარა თაიმსისთვის“ ბათუმში მომხდარ ავტოსაგზაო შემთხვევასთან დაკავშირებით ახალი დეტალები ხდება ცნობილი.
ჩვენი ინფორმაციით, ავარიამდე ერთ-ერთი ავტომობილის მძღოლს პოლიცია აედევნა. აღნიშნული პირი მაღალი სიჩქარით გადაადგილდებოდა, რა დროსაც ავტოსაგზაო შემთხვევა მოხდა.
25 ივლისს, გორგილაძისა და ვაჟა-ფშაველას ქუჩების გზაჯვარედინზე მომხდარ ავარიას ორი ადამიანი ადგილზე ემსხვერპლა, ხოლო ათამდე დაშავდა.
„აჭარა თაიმსის“ ერთმანეთისგან დამოუკიდებელი ორი წყაროს ცნობით, ერთ-ერთი მძღოლი ალკოჰოლის ზემოქმედების ქვეშ იმყოფებოდა, რის გამოც მას პოლიცია დაედევნა.
შინაგან საქმეთა სამინისტროში „აჭარა თაიმსს“ განუცხადეს, რომ აღნიშნულ პირს მართვის მოწმობაც არ ჰქონდა. უწყების ინფორმაციით, ის ნამდვილად ავტომობილს ალკოჰოლის ზემოქმედების ქვეშ მართავდა და მაღალი სიჩქარით გადაადგილდებოდა.
ფაქტზე გამოძიება სსკ 276-ე მუხლით მიმდინარეობს.
დაკავშირებული თემები🔻
ბათუმში მომხდარ მძიმე ავარიას ორი ადამიანი ემსხვერპლა – დაშავებულები კლინიკაში გადაიყვანეს
ბათუმის შემოვლით გზაზე მომხდარ ავარიას ერთი ადამიანი ემსხვერპლა
