მეტეოროლოგ კობა ფარტენაძის პროგნოზით, 28 დეკემბერს, მხოლოდ ერთი დღით, საქართველოში მოსალოდნელია გაავდრება.
“დასავლეთში ძირითადად იწვიმებს, აღმოსავლეთში კი ძლიერი ქარი იქნება, ტემპერატურა არსებულთან მიმართებაში რამოდენიმე გრადუსით დაიკლებს. დედაქალაქში ჩრდილო-დასავლეთის ქარის მეტრ-წამი იმ ნიშნულს მიაღწევს, რაც აუცილებლად გულისხმობს სიფრთხილის გამოჩენას გადაადგილებისას. დასავლეთის ზამთრის კურორტებზე თოვლი და ქარბუქი იქნება, აღმოსავლეთის მთიან ზონაში კი მხოლოდ მცირე თოვლი. სასიამოვნო ინფორმაციით დავასრულებ – ზეგ ყველგან გამოიდარებს,” – წერს სოციალურ ქსელში კობა ფარტენაძე.
