ბათუმში საახალწლო ნაძვის ხის მონტაჟი დაიწყეს. ევროპის მოედანზე სამუშაოებს ბათუმის მერიის მიერ დაქირავებული კომპანია “აჭარგანათება” ახორციელებს.
როგორც, AJARATIMES.GE-ისთვის არის ცნობილი, “აჭარგანათება” ბათუმის ქუჩების განათებაზეც იქნება პასუხისმგებელი. ცნობისთვის, “აჭარგანათება” 2011 წლიდან ბათუმის მერიის მიერ გამოცხადებულ ტენდერებს უკონკურენტოდ იგებს.
ბათუმში საშობაო-საახალწლო დღეებში ქალაქის გაფორმებისთვის 5 მილიონ 159 ათასი ლარია გამოყოფილი.
