„რაგბის კლუბმა ბათუმმა“, ფლეი-ოფის, შესარჩევ ფინალში „ქუთაისის აია“-ს დაუპირისპირდა და დაძაბულ თამაშში 11 – 10 წააგო.
„აია“-ს მხრიდან მეორე წუთზე ლელო ერემეიშვილმა გაიტანა, ხოლო 57 და 67 წუთზე ბაბუნაშვილმა პენალტი წარმატებით შეასრულა.
ლელოს გატანა „ბათუმელთა“ რიგებიდან, 63-ე წუთზე შათირიშვილმა მოახერხა. თავის გამოჩენა ასევე ნოზაძემაც შეძლო, მის ანგარიშზე წარმატებით შესრულებული პენალტი (45წთ) და გარდასახვაა (63-წთ).
„ბათუმთან“ მატჩში მოგებით „აია“ დიდ ფინალში გავიდა, ხოლო „ბათუმელები“ წინასწარ ფინალში „რუსთავის ხარებს“ შეხვდებიან, მატჩი ოთხ მაისს შედგება და მასში გამარჯვებული, 11 მაისს, დიდ ფინალში „აია“-ს დაუპირისპირდება.
ავტორი: დიმიტრი გორგილაძე
თუ „აჭარა თაიმსის“ მასალებს იყენებთ, აუცილებელია წყაროსა და ბმულის მითითება. გთხოვთ, მასალის გადაბეჭდვის შემთხვევაში გაითვალისწინეთ ვალდებულება!
