საქართველოს საკონსტიტუციო სასამართლოს წევრად უზენაესი სასამართლოს სამოქალაქო საქმეთა პალატის მოსამართლე, რევაზ ნადარაია დაინიშნა. აღნიშნული გადაწყვეტილება უზენაესი სასამართლოს პლენუმმა მიიღო.
“საქართველოს კონსტიტუციის მე-60 მუხლის მე-2 პუნქტის, საერთო სასამართლოების შესახებ საქართველოს ორგანული კანონის მე-18 მუხლის მე-2 პუნქტის გ ქვეპუნქტისა და საქართველოს საკონსტიტუციო სასამართლოს შესახებ საქართველოს ორგანული კანონის 73 მუხლის თანახმად, საქართველოს უზენაესი სასამართლოს პლენუმის გადაწყვეტილებით, საქართველოს საკონსტიტუციო სასამართლოს წევრად დაინიშნა ბატონი რევაზ ნადარაია”. – აღნიშნულია უზენაესი სასამართლოს მიერ გავრცელებულ ინფორმაციაში.
ინფორმაციისთვის: რევაზ ნადარაია საკონსტიტუციო სასამართლოში ხვიჩა კიკილაშვილის ადგილზე მუშაობას დაიწყებს.
თუ „აჭარა თაიმსის“ მასალებს იყენებთ, აუცილებელია წყაროსა და ბმულის მითითება. გთხოვთ, მასალის გადაბეჭდვის შემთხვევაში გაითვალისწინეთ ვალდებულება!
