შინაგან საქმეთა სამინისტროს ინფორმაციით, განსაკუთრებით დიდი ოდენობით ნარკოტიკული საშუალების უკანონო შეძენა-შენახვისა და საქართველოს საზღვარზე შემოტანის ბრალდებით, თურქეთის რესპუბლიკის მოქალაქე – 1993 წელს დაბადებული უ.ო. დააკავეს.
ბრალდებული სარფის სასაზღვრო გამშვებ პუნქტზე შეაჩერეს. მის პირად ჩხრეკაზე აღმოჩნდა და ნივთმტკიცებად ამოიღეს განსაკუთრებით დიდი ოდენობით, 21 შეკვრად დაფასოებული ნარკოტიკული საშუალება „კოკაინი“.
საქმეზე გამოძიება საქართველოს სისხლის სამართლის კოდექსის 260-ე და 262-ე მუხლებით მიმდინარეობს, რაც 20 წლამდე ან უვადო თავისუფლების აღკვეთას ითვალისწინებს.
