შინაგან საქმეთა სამინისტროს ინფორმაციით, მიგრაციის დეპარტამენტის თანამშრომლებმა, სამინისტროს შესაბამის დანაყოფებთან კოორდინაციით, ბოლო დღეების განმავლობაში ჩატარებული ღონისძიებების შედეგად, საქართველოდან უცხო ქვეყნის 84 მოქალაქე გააძევეს.
უწყების ცნობით, მიგრაციის დეპარტამენტის მიერ განხორციელებული კომპლექსური ღონისძიებების ფარგლებში ქვეყნიდან გაძევებულნი არიან თურქეთის, თურქმენეთის, ინდოეთის, ჩინეთის, ეგვიპტის, აზერბაიჯანის, კენიის, რუსეთის, ნიგერიის, ერაყის, კუბის, ლიბანის, პაკისტანის, სამხრეთ აფრიკის, სომალისა და სხვა სახელმწიფოების მოქალაქეები.
შსს-ის განცხადებით, მოქმედი კანონმდებლობის შესაბამისად, გაძევებულ პირებს საქართველოში შემოსვლის აკრძალვაც დაუწესდათ.
