„სილქნეტის“ ინფორმაციით, 2026 წლის 1 მაისიდან ულიმიტო ინტერნეტის პაკეტების ღირებულება იზრდება.
კომპანიის ცნობით, 5-დღიანი ულიმიტო ინტერნეტის ფასი 8 ლარი გახდება (ამჟამად 7 ლარია), 7-დღიანი პაკეტი – 10 ლარი (ნაცვლად 9 ლარისა), 15-დღიანი – 20 ლარი (ნაცვლად 18 ლარისა), ხოლო 30-დღიანი ულიმიტო ინტერნეტი 35 ლარი ეღირება (ნაცვლად 32 ლარისა).
რაც შეეხება სტანდარტულ ინტერნეტ პაკეტებს, ამ შემთხვევაში მოცულობა გაიზრდება, თუმცა ფასები უცვლელი დარჩება.
ამასთან, კომპანია აცხადებს, რომ ძვირდება ოპტიკური ინტერნეტიც, თუმცა მომხმარებლებს გაუმჯობესებული სიჩქარე ექნებათ.
გამონაკლისი შეეხება სოციალურად დაუცველ პირებს, მრავალშვილიანი ოჯახების სტატუსის მქონე მოქალაქეებსა და 18 წლამდე შეზღუდული შესაძლებლობის მქონე პირებს.
