სტატისტიკის ეროვნული სამსახურის მონაცემებით, 2026 წლის აპრილში საქართველოში ინფლაციის დონემ წინა თვესთან შედარებით 1.7% შეადგინა, ხოლო წლიური ინფლაცია 5.9%-მდე გაიზარდა. ამავე პერიოდში, საბაზო ინფლაცია წლიურად 3.5%-ით განისაზღვრა, თამბაქოს გარეშე საბაზო ინფლაციამ კი 3.2% შეადგინა.
სტატისტიკის მიხედვით, წლიური ინფლაციის ფორმირებაში ერთ-ერთი მთავარი ფაქტორი სურსათის გაძვირებაა. ფასები განსაკუთრებით გაიზარდა თევზეულზე (21.3%), ხილსა და ყურძენზე (11.8%), ხორცსა და ხორცის პროდუქტებზე (10.1%) და ბოსტნეულზე (9.3%). ასევე გაძვირდა პური და პურპროდუქტები (7.7%), შაქარი და ტკბილეული (7.3%), ზეთი და ცხიმი (6.3%), რძის პროდუქტები (4.5%) და ყავა, ჩაი და კაკაო (3.2%).
ყოველთვიური მონაცემებით, აპრილში ფასების ზრდაზე მნიშვნელოვანი გავლენა ტრანსპორტის ჯგუფმა იქონია. ფასები 4.9%-ით გაიზარდა. გაძვირდა როგორც პირადი ავტომობილების ექსპლუატაცია, ისე სატრანსპორტო მომსახურება. ასევე გაიზარდა საცხოვრებელთან დაკავშირებული ხარჯები – წყალი, ელექტროენერგია და აირი 5.8%-ით გაძვირდა.
ტანსაცმლისა და ფეხსაცმლის ჯგუფში ფასები 5.3%-ით გაიზარდა, ხოლო სურსათისა და უალკოჰოლო სასმელების ჯგუფში – 0.5%-ით. ამავე დროს, შემცირდა მინერალური წყლისა და რძის პროდუქტების ნაწილი. მონაცემები აჩვენებს, რომ ინფლაციის ზრდაში კვლავ ყველაზე დიდი წილი ყოველდღიური მოხმარების პროდუქტებზე მოდის, რაც მოსახლეობის ხარჯებზე პირდაპირ აისახება.
დაკავშირებული თემები ⇓
ბათუმში მიკროავტობუსებით მგზავრობა გაძვირდა
ბათუმში ავტობუსებით მგზავრობის საფასური იზრდება
საქართველოში მშენებლობა გაძვირდა
სამშენებლო მასალები 7.4%-ით გაძვირდა
მმართველი პარტიის მსხვილი შემწირველები აჭარაში ქონებას უკონკურენტო აუქციონებით იძენდნენ
