შიდა ქართლის ტელეკომპანია “თრიალეთის” დამფუძნებელმა და მფლობელმა “ქართულ ოცნებას” 50 426 ₾არი შესწირა, ამის შესახებ ინფორმაცია შემწირველთა ერთიან პორტალზეა ასახული.
ირკვევა, რომ ბადრი ნანეტაშვილს მმართველი პარტიისთვის, წარსულში, თანხა ორჯერ, 400-400 ₾არის ოდენობით შეუწირავს. companyinfo.ge-ის მონაცემების თანახმად, ტელეკომპანის მფლობელი სამეწარმეო საქმიანობასაც ეწევა, შესაბამისად ნანეტაშვილის სახელთან დაკავშირებულ კომპანიებს სახელმწიფო შესყიდვებშიც აქვს მონაწილეობა მიღებული.
კერძოდ, შპს. ტელე-რადიო კომპანია “თრიალეთს” მოგებული აქვს 3 ტენდერი, ხოლო საბიუჯეტო ორგანიზაციებიდან 42 გამარტივებული შესყიდვა.
ინფორმაციისთვის: ბადრი ნანეტაშვილი მეექვსე მოწვევის პარლამენტის (2004-2008 წლები) წევრია, გორის მუნიციპალიტეტის საკრებულოში 2017 წლის ადგილობრივი თვითმმართველობის არჩევნების შედეგად, დავით უსუფაშვილის მიერ დაფუძნებული „შენების მოძრაობიდან“ აირჩიეს. „შენების მოძრაობას“ ის სიის პირველ ნომრად და საკრებულოს თავმჯდომარეობის კანდიდატად ჰყავდა დასახელებული.
,,თრიალეთის” დამფუძნებელი შერიგებისა და სამოქალაქო თანასწორობის საკითხებში სახელმწიფო მინისტრის მოადგილეც იყო.
