AJARATIMES.GE-ის ინფორმაციით, ქობულეთის მერიამ ხუთი, რუსული წარმოების ფორტეპიანო შეიძინა. მუსიკალური ინსტრუმენტები უწყებამ ტენდერის სახით, 2 500 ლარად, კერძო კომპანიისგან იყიდა.
დასაკრავი საშუალება მერიამ სახელოვნებო სკოლებს გადასცა.
“მინდა უდიდესი მადლიერება გამოვხატო ქობულეთის მუნიციპალიტეტის მერისა და კულტურის განყოფილების უფროსის მიმართ. დღემდე აგრძელებთ ზრუნვას ჩვენი სამუსიკო სკოლის კეთილდღეობისთვის,”-წერს სოციალურ ქსელში ერთ-ერთი სახელოვნებო სკოლის წარმომადგენელი.
ქობულეთის მერიაში AJARATIMES.GE-ის განუცხადეს, რომ ფორტეპიანოები ტენდერში გამარჯვებულმა კომპანიამ კერძო პირებისგან შეიძინა და ის რუსეთიდან არ ჩამოუტანიათ. უწყებაში განმარტავენ, რომ მუსიკალური ინსტრუმენტები მეორადია.
თუ „აჭარა თაიმსის“ მასალებს იყენებთ, აუცილებელია წყაროსა და ბმულის მითითება. გთხოვთ, მასალის გადაბეჭდვის შემთხვევაში გაითვალისწინეთ ვალდებულება!
