ბათუმში შობის ღამეს, აჭარის მთავრობის სახლიდან, რუსთაველის ქუჩის გავლით მშვიდობიანი მსვლელობა გაიმართა, რომელიც წმინდა ბარბარეს სახელობის ტაძართან დასრულდა. ეს პროტესტის მე-40 დღეა და მისი მონაწილეები კვლავ, ახალ არჩევნებსა და რეჟიმის პატიმრების გათავისუფლებას ითხოვენ.
აქციის ორგანიზატორებმა განსაკუთრებული ყურადღება გაამახვილეს შობის ღამის სიმშვიდისა და სულიერების მნიშვნელობაზე, რის გამოც დღევანდელი პროტესტი პოლიტიკური გამოსვლების გარეშე გაიმართა.
მათი თქმით, ეს იყო სიმბოლური მსვლელობა, რომელიც თავისუფლების, სიმართლისა და ხალხის ერთიანობის იდეებს ეძღვნებოდა. მსვლელობა მშვიდ ვითარებაში ჩატარდა და ტაძართან ლოცვით დასრულდა. მონაწილეებმა აღნიშნეს, რომ მათი პროტესტი გაგრძელდება მანამ, ვიდრე მთავრობა მათ მოთხოვნებს არ დააკმაყოფილებს.
