უსკოს ცნობით, აჭარის უმაღლესი საბჭოს არჩევნებს შვიდი ორგანიზაციის 52 დამკვირვებელი დააკვირდება. მათ შესაბამისი რეგისტრაცია უკვე გაიარეს და თანხმობა მიიღეს.
რეგისტრირებული ადგილობრივი დამკვირვებელი ორგანიზაციები არიან:
- ა(ა)ი.პ „მშვიდობა, თანადგომა, სოლიდარობა“
- ა(ა)ი.პ „ქალის როლი საზოგადოებისათვის“
- ა.(ა)ი.პ „ახალგაზრდული უმაღლესი საბჭო“
- ა(ა)ი.პ „კორუფციასთან ბრძოლის საინფორმაციო ცენტრი“
- ა(ა)ი.პ მომზადებისა და გადამზადების ცენტრი „პროფესიონალი“
- ა(ა)ი.პ „სამართლიანი არჩევნებისა და დემოკრატიის საერთაშორისო ორგანიზაცია”
- ა(ა)ი.პ „ბათუმის დამოუკიდებელი ცხოვრების ცენტრი”
ცენტრალური საარჩევნო კომისიის ვებგვერდზე გამოქვეყნებული ინფორმაციის თანახმად, პარლამენტის არჩევნებისთვის 102 ადგილობრივი, ხოლო 76 საერთაშორისო სადამკვირვებლო ორგანიზაციაა რეგისტრირებული.
ინფორმაციისთვის: აჭარის უმაღლესი საბჭოს არჩევნების გაშუქებას 10 მედიასაშუალება უზრუნველყოფს, ხოლო საქართველოს პარლამენტის არჩევნებს ადგილობრივი და საერთაშორისო პრესა გააშუქებს, ჯამში, ცესკოს ინფორმაციით, 158 მედიაა რეგისტრირებული.
