შუახევში სასტიკად მოკლული ქალის ახლობლებმა აქცია გამართეს და ბრალდებულის მკაცრად დასჯა მოითხოვეს.
მათი თქმით, სასამართლოს ენდობიან, თუმცა ამის მიუხედავად ითხოვენ, რომ განზრახ მკვლელობაში ბრალდებულს სამუდამო პატიმრობა უნდა მიესაჯოს.
”ნაწამებია გოგო, მკვლელობამდე ფრჩხილები დააცალა, მოტყუებით წაიყვანა შუახევში. ეს შემთხვევითი არაა, თავიდანვე განზრახული ჰქონდა მკვლელობა,”- განაცხადეს მოკლულის ოჯახის წევრებმა აქციაზე.
ინფორმაციისთვის: მკვლელობაში ბრალდებულის აღმკვეთი ღონისძიების საკითხზე სასამართლო დღეს იმსჯელებს. თავად ბრალდებული სამედიცინო დაწესებულებაშია მოთავსებული, მან ცოლის მოკვლის შემდეგ თვითდაზიანება მიიყენა.
