შინაგან საქმეთა სამინისტროს ინფორმაციით, განსაკუთრებით დიდი ოდენობით ნარკოტიკული საშუალებების უკანონო შეძენა-შენახვის, შენახვის მცდელობისა და რეალიზაციის ხელშეწყობის ბრალდებით, სხვადასხვა დროს 9 პირი დააკავეს.
დაკავებულებს შორის არიან როგორც საქართველოს, ასევე უცხო ქვეყნის მოქალაქეები.
ბრალდებულების პირადი და საცხოვრებელი სახლების, ასევე ავტომობილების ჩხრეკის შედეგად, სხვადასხვა ადგილიდან ნივთმტკიცებად ამოიღეს განსაკუთრებით დიდი ოდენობით სხვადასხვა სახის ნარკოტიკული საშუალება. მათ შორისაა 140 შეკვრა „მეთადონი“, „მეფედრონი“ და „ალფა-PVP“.
პოლიციის ინფორმაციით, ამოღებულია ასევე ნარკოტიკული საშუალებების დაფასოებისთვის საჭირო მასალებიც.
გამოძიება საქართველოს სისხლის სამართლის კოდექსის 19-260-ე, 260-ე და 260-ე კვარტა მუხლებით მიმდინარეობს, რაც 20 წლამდე ან უვადო თავისუფლების აღკვეთას ითვალისწინებს.
