შინაგან საქმეთა სამინისტროს ინფორმაციით, განსაკუთრებით დიდი ოდენობით ნარკოტიკული საშუალების უკანონო შეძენა-შენახვისა და რეალიზაციის ხელშეწყობის ბრალდებით ბათუმში სამი პირი დააკავეს.
უწყების ცნობით, დაკავებულები არიან რუსეთის ფედერაციის მოქალაქეები – 1999 წელს დაბადებული ი.პ. და 1990 წელს დაბადებული მ.რ. ასევე, მოსამართლის განჩინების საფუძველზე, 1983 წელს დაბადებული ბ.დ. პირები სხვადასხვა დროს აიყვანეს.
გამოძიების მასალების მიხედვით, სამართალდამცველებმა ბრალდებულების საცხოვრებელი სახლების ჩხრეკის შედეგად ნივთმტკიცებად ამოიღეს ნარკოტიკული საშუალება „ალფა-პვპ“ და „გამომშრალი მარიხუანა“. გარდა ამისა, საგამოძიებო მოქმედებების ფარგლებში ამოღებულია ნარკოტიკული საშუალებების დაფასოებისა და კულტივირებისთვის საჭირო მასალები.
საქმეზე გამოძიება სისხლის სამართლის კოდექსის 260-ე და 260-ე კვარტა მუხლებით მიმდინარეობს. აღნიშნული დანაშაული 17 წლამდე თავისუფლების აღკვეთას ითვალისწინებს.
