ბათუმში, ჯანმრთელობის ცენტრ მედინაში მძიმე შემთხვევა მოხდა. კლინიკის ერთ-ერთ თანამშრომელს საპირფარეშოში შეეძინა ახალშობილი, რის შემდეგაც დედამ ბავშვს სიცოცხლისთვის საშიში დაზიანებები მიაყენა.
კლინიკის დირექტორმა ჯუმბერ უნგიაძემ „ტვ პირველთან“ საუბარისას აღნიშნა, რომ ახალშობილი ამ ეტაპზე ცოცხალია და მძიმე მდგომარეობაში იმყოფება, დედასთან კი ფსიქიატრი მუშაობს.
სამთავრობო „იმედის“ ცნობით, ქალი ახალშობილთან ერთად დაუყოვნებლივ გადაიყვანეს კლინიკის ბავშვთა რეანიმაციის განყოფილებაში, სადაც ბავშვს ქირურგიული დახმარება გაეწია.
შინაგან საქმეთა სამინისტროს ცნობით, ფაქტზე გამოძიება მიმდინარეობს სისხლის სამართლის კოდექსის 11 პრიმა 19-109-ე მუხლით, რაც ოჯახის წევრის მიმართ ახალშობილის განზრახ მკვლელობის მცდელობას გულისხმობს.
