სურსათის ეროვნული სააგენტოს აინფორმაციით, ბათუმში, ფრიდონ ხალვაშის ქუჩაზე მდებარე შპს „ზეტას“ საქმიანობა შეუჩერეს. გადაწყვეტილება სახელმწიფო კონტროლის ფარგლებში გამოვლენილ დარღვევებს უკავშირდება.
სააგენტოს ცნობითვე, აგროქიმიკატებისა და პესტიციდების სარეალიზაციო ობიექტს არ ჰქონდა შესაბამისი სავალდებულო აღიარება და არ იყო რეგისტრირებული ეკონომიკურ საქმიანობათა რეესტრში. ამასთან, ინსპექტირებისას დადგინდა, რომ პროდუქციის რეალიზაცია მიმდინარეობდა მოქმედი საკანონმდებლო მოთხოვნების დარღვევით, მათ შორის, შეფუთვის მთლიანობის დაცვის გარეშე.
კანონმდებლობის შესაბამისად, ბიზნესოპერატორი დაჯარიმდა და აეკრძალა აგროქიმიკატებით ვაჭრობა მანამდე, სანამ არ დააკმაყოფილებს დადგენილ მოთხოვნებს და არ გაივლის შესაბამის პროცედურებს.
სურსათის ეროვნული სააგენტოში განმარტავენ, რომ მსგავსი ტიპის ობიექტების ფუნქციონირებისთვის აუცილებელია სააგენტოს მიერ მინიჭებული აღიარება, რაც ჰიგიენური და უსაფრთხოების სტანდარტების სრულ დაცვას გულისხმობს.
