ბათუმში წვიმის შედეგად ქალაქის არაერთი ქუჩა, საცხოვრებელი სახლის პირველი სართული და ეზო დაიტბორა. მოქალაქეები მთელი დღის განმავლობაში სოციალურ ქსელში კითხულობდნენ, სად იმყოფებოდა ბათუმის მერი გიორგი ცინცაძე და რატომ არ ჩანდა ის ქალაქში შექმნილი ვითარების ფონზე.
მოქალაქეების კითხვებს ისიც დაემატა, რომ ბათუმის მერიამ ქალაქში შექმნილ მდგომარეობაზე ოფიციალური ინფორმაცია დღის ბოლოს გაავრცელა. მანამდე თვითმმართველობის ოფიციალურ გვერდზე განცხადება არ გამოქვეყნებულა. სად იყო გუშინ ბათუმის მერი გიორგი ცინცაძე, ამ კითხვით „აჭარა თაიმსმა“ მერიას მიმართა.
„შვებულებაშია ერთი კვირით და ორშაბათს დაბრუნდება,“ – გვიპასუხეს უწყებიდან.
მერიაში ასევე აღნიშნეს, რომ გიორგი ცინცაძე უცხოეთშია, თუმცა არ იციან, კონკრეტულად რომელ ქვეყანაში.
ბათუმში ძლიერი წვიმის შედეგად ქუჩები დაიტბორა
რა ქონებას ფლობს „ქართული ოცნების“ ბათუმის მერობის კანდიდატი გიორგი ცინცაძე
