შინაგან საქმეთა სამინისტროს ინფორმაციით, ინტერპოლiს წითელი ცირკულარით ძებნილი თურქეთის რესპუბლიკის მოქალაქე, 1985 წელს დაბადებული ე.გ. დააკავეს.
უწყების ცნობით, დაკავებული პირი თურქეთის სამართალდამცავი ორგანოების მოთხოვნის საფუძველზე, სხვადასხვა მძიმე დანაშაულის ჩადენისთვის იძებნებოდა და მის მიმართ გამოცემული იყო ინტერპოლის წითელი ცირკულარი.
ე.გ. ჩატარებული საგამოძიებო მოქმედებების შედეგად ბათუმში დააკავეს. ამ ეტაპზე, დაკავებულის მიმართ კანონმდებლობით გათვალისწინებული საექსტრადიციო პროცედურები მიმდინარეობს, რის შემდეგაც მისი გადაცემა მოხდება თურქეთის რესპუბლიკის შესაბამის ორგანოებთან კოორდინაციით.
