23 აგვისტოს, ბათუმში საერთაშორისო ახალგაზრდული საფეხბურთო ტურნირი “Batumi Ateitis Cup 2024” აიღებს სტარტს. ტურნირი 29 სექტემბრამდე გაგრძელდება და მასში მონაწილეობას U8-U14 წლამდე, ხუთი ქვეყნის, 80-ზე მეტი ასაკობრივი გუნდი მიიღებს.
ტურნირის მატჩები, ჯონი ბაკურიძის სახელობის ანგისის ბაზაზე გაიმართება. Batumi Ateitis Cup 2024-ის შეხვედრები შემდეგი განრიგით ჩატარდება:
- 23-25 აგვისტო, 14-მდე ასაკობრივი გუნდები;
- 30 აგვისტო- 1 სექტემბერი, 13-მდე ასაკობრივი გუნდები;
- 6-8 სექტემბერი, 12-მდე ასაკობრივი გუნდები;
- 13-15 სექტემბერი, 11-მდე ასაკობრივი გუნდები;
- 20-22 სექტემბერი, 10-მდე ასაკობრივი გუნდები;
- 27-29 სექტემბერი, 8/9-მდე ასაკობრივი გუნდები.
Ateitis Cup-ი ერთ-ერთი პრესტიჟული საფეხბურთო ტურნირია, ახალგაზრდა ფეხბურთელებს შორის. პირველი Ateitis Cup-ი 2010 წელს, Ateitis-ს საფეხბურთო სკოლის ორგანიზებით ჩატარდა. ტურნირში მონაწილეობას ყოველწლიურად 7000-ზე მეტი ახალგაზრდა ფეხბურთელი იღებს, 22 ევროპის ქვეყნიდან და ასევე მსოფლიოს სხვადასხვა ქვეყნიდან.
ავტორი: დიმიტრი გორგილაძე [სტაჟიორი]
