ბათუმში, მამია ვარშანიძის ქუჩაზე, ავარიულად დაზიანდა წყალმომარაგების ორი, მაგისტრალური და გამანაწილებელი მილი. ამის შესახებ „ბათუმის წყალი“ იტყობინება.
კომპანიის ცნობით, დაზიანებული მილების სარემონტო სამუშაოები უწყვეტად მიმდინარეობს. შემთხვევის ადგილზე მობილიზებულია სპეციალური ტექნიკა და ავარიული ჯგუფები.
“დაზიანების მასშტაბიდან და სარემონტო სამუშაოების სირთულიდან გამომდინარე, წყალმომარაგება ეტაპობრივად აღდგება 23 თებერვლის დილამდე,” – აცხადებენ კომპანიაში.
ინფორმაციისთვის: წყალმომარაგება შეეზღუდათ ბენზეში, ფრიდონ ხალვაშზე, ორთაბათუმში, ჩაისუბანში, გოროდოკში, წინსვლაში, გოდერძი ჩოხელზე, თოდოგაურში, ადლიაში, ჰელიმიშის, ნიჟარაძის, ზღვისპირის, ბაგრატიონის, სულაბერიძის, ქედის, შავშეთის, პუშკინის, სოხუმის, ანდრონიკაშვილის, ქობულეთის ქუჩებსა და აეროპორტის გზატკეცილზე მცხოვრებ აბონენტებს.
ცნობისთვის: ბათუმში სასმელი წყლის მიწოდება დაახლოებით, 16 924 აბონენტს შეუწყდა.
