„აჭარა თაიმსის“ ინფორმაციით, ბათუმში, ინასარიძის ქუჩაზე მდებარე ძვირფასეულობის მაღაზიაში მომხდარი ქურდობის ფაქტზე არასრულწლოვანი ამხილეს.
მომხდარს ადასტურებენ შინაგან საქმეთა სამინისტროში. უწყების ცნობით, ნაქურდალი ნივთები სრულად ამოიღებულია.
ობიექტის მეპატრონეების განცხადებით, მაღაზიიდან წაღებული იყო დაახლოებით 10 000 დოლარის ღირებულების ძვირფასეულობა, ასევე სალაროდან 1000 ლარამდე თანხა.
შემთხვევა რამდენიმე დღის წინ მოხდა.
ფაქტზე გამოძიება საქართველოს სისხლის სამართლის კოდექსის 177-ე მუხლით მიმდინარეობს, რაც ქურდობას გულისხმობს.
