თემურ ქათამაძე, ჩვენებური თურქეთიდან, ბათუმის საპროტესტო მარშების განუყოფელი ნაწილია. ნებისმიერი კლიმატური პირობების მიუხედავად, ის ყოველდღიურად გამოდის ქუჩაში, ეროვნული დროშით ხელში, პროტესტის მონაწილეებს სათავეში უდგას და მათთან ერთად ათეულობით კილომეტრს გადის. ბაბუ, რომელსაც ბათუმში უკვე ყველა იცნობს, განსაკუთრებული ფიგურაა ქალაქის საპროტესტო აქციებზე.
თემურ ქათამაძე ღიად აკრიტიკებს “ქართული ოცნების” ხელისუფლებას და მიიჩნევს, რომ ქვეყნის მომავალი მხოლოდ ევროპულ გზაზეა. მისი თქმით, გამოხატვის თავისუფლების დევნა მიუღებელია და საჭიროა ხალხის ხმა გაერთიანდეს ცვლილებებისთვის.
„2018 წლიდან “ქართულმა ოცნებამ” ნიღაბი ჩამოიხსნა და ნელ-ნელა აჩვენა თავისი ნამდვილი სახე. ამ ქვეყნის მომავლის კეთილდღეობა მხოლოდ ევროპაშია,” – ამბობს ქათამაძე, რომელიც დაუღალავად ცდილობს მოქალაქეების გაერთიანებას საქართველოს უკეთესი მომავლისთვის.
გაიცანით თემურ ქათამაძე – ადამიანი, რომელმაც პროტესტი თავისი ცხოვრების ნაწილად აქცია და ბრძოლობს თავისუფლების, დემოკრატიისა და ევროპული მომავლისთვის.
