“ქართული ოცნების” უმრავლესობის გადაწყვეტილებით, დაჩქარებული წესით და პირველი მოსმენით საგადასახადო კოდექსში ცვლილება მხარდაჭერილია. კერძოდ, ე.წ. ოფშორულ ზონებში რეგისტრირებული ბიზნესის საქართველოში გადმოტანა ნებისმიერ პირს შეეძლება.
ბიძინა ივანიშვილი ერთ-ერთია მათ შორის, ვისაც 100-მდე კომპანია ე.წ. ოფშორულ ზონებში აქვს რეგისტრირებული.
„მოულოდნელად, „ქართულმა ოცნებამ” პარლამენტში შემოიტანა კანონპროექტი, რომლის მიხედვით ბიძინა ივანიშვილს ეძლევა უფლება დაუბეგრავად და შავი ფულის გათეთრების წინააღმდეგ მოქმედი ნორმების გვერდის ავლით, შემოიტანოს საქართველოში ოფშორებში გადამალული თავისი ქონება, წილები, აქციები. კანონი ეხება მხოლოდ მას, რადგან ერთი ფიზიკური პირი უნდა ფლობდეს ოფშორული აქტივების 100 პროცენტს.
ახლა ნათელი მოეფინა, თუ რატომ აყიდვინა ეროვნულ ბანკს ნახევარი მილიარდი დოლარის ღირებულების 7 ტონა ოქრო და რატომ ჩამოაქვთ საქართველოში დასასაწყობებლად.
ელოდა სანქციებს! გასაქცევი ადგილიც კი არა აქვს, აქ აპირებს ქვეყნის პირად ციხე-სიმაგრედ გადაქცევას. ვერ დაეპატრონება ქვეყანას. არ იცნობს ქართველ ხალხს,“ – წერს სოციალურ ქსელში დეპუტატი რომან გოცირიძე.
მასალა განახლდება.
