რამდენიმე წუთის წინ კლინიკა “ბაუდან” ექიმებმა პაციენტი ეტლით გამოიყვანეს და ქუჩაში, ტროტუარზე დააგდეს. ფაქტის თვითმხილველი ათამდე ადამიანი გახდა. მოქალაქეებმა ექიმებისა და დაცვის თანამშრომლების ქმედება გააპროტესტეს, თუმცა მათი მოთხოვნა უშედეგო აღმოჩნდა.
“ძაღლს არ ექცევიან ასე, რას აკეთებთ, ნაავარიები ცხოველი მიყავთ კლინიკაში და მკურნალობენ, თქვენ კი ადამიანს როგორ ექცევით. რატომ გააგდეთ ტროტუარზე,” – უთხრა ერთ-ერთმა მოქალაქემ კლინიკის წარმომადგენლებს.
“დავიღალეთ ამის მოვლით, არაჰიგიენური ადამიანია და სხვა პაციენტებს აწუხებს. ქუჩაში გაგდება დირექტორთან შეთანხმებულია,” – განუცხადა ექიმმა შემთხვევის ადგილზე შეკრებილებს.
კლინიკა “ბაუს” საზოგადოებასთან ურთიერთობის სამსახურში გვითხრეს რომ ქუჩაში “ბომჟი” გააგდეს.
ჯანმრთელობის პრობლემების მქონე კაცი მოგვიანებით, საავადმყოფოს მიმდებარედ განთავსებულ რკინის სკამზე დაწვა.
