აჭარის ფინანსთა და ეკონომიკის ყოფილმა მინისტრმა “ქართულ ოცნებას” 58 ათასი ₾არი შესწირა, ამის შესახებ ინფორმაცია შემწირველთა ერთიან ბაზაში ფიქსირდება.
ამავე ვებგვერდის მონაცემებით ირკვევა, რომ დავით ბალაძეს მმართველი პარტიისთვის ფული სხვა დროსაც შეუწირავს. საერთო ჯამში, “ოცნებას” დავით ბალაძემ 298 000 ₾არი ჩაურიცხა.
ვიდრე “ქართული ოცნება” ხელისუფლებაში მოვიდოდა დავით ბალაძე, 2012 წელს, ბიძინა ივანიშვილის წინააღმდეგ მართულ, მადისკიმინებელ კამპანიასაც აფინანსებდა. ბალაძემ, 2012 წელს, 4 000 ₾არი, ორგანიზაცია „საქართველო არ იყიდება”-ს შესწირა. ეს უკანასკნელი, წლების წინ, “საერთაშიროსო გამჭვირვალობა საქართველოს” ინფორმაციით, “ნაციონალურ მოძრაობასთან” იყო კავშირში.
ინფორმაციისთვის: არასამთავრობო ორგანიზაცია „საქართველო არ იყიდებას“ დაკვეთით შექმნილი ვიდეორგოლების, ერთადერთი მიზანი 2012 წელს, კოალიცია „ქართული ოცნების“ ლიდერის, ბიძინა ივანიშვილის წინააღმდეგ, მადისკრიმინებელი საზოგადოებრივი აზრის შექმნა იყო.
საჯარო რეესტრის მონაცემების თანახმად, დავით ბალაძე შპს თრასთ სოლუშენ-ის დირექტორი და 100% წილის მფლობელია. ის ასევე, შპს “იმპულსში” 50 % ფლობს. აღნიშნულ კომპანიებს სახელმწიფო შესყიდვებში მონაწილეობა არ უფიქსირდებათ.
ცნობისთვის: აჭარის ფინანსთა და ეკონომიკის ყოფილი მინისტრი, ახლა იმ კომპანიაში მუშაობს, ვის სასარგებლოდაც წლების წინ, მინისტრობის პერიოდში მუშაობდა. ამის შესახებ ვრცლად შეგიძლიათ წაიკითხოთ ბმულზე.
დავით ბალაძე შპს “ჰიგიენა 2009”-ის საქმეშიც ფიგურირებს. ორგანიზაციის დირექტორმა 5 მილიონი მიითვისა, მაშინ დავით ბალაძე ფინანსთა და ეკონომიკის მინისტრი იყო. ვრლად ამ თემაზე ბმულზე გაეცანით.
დავით ბალაძის სახელს ასევე, ბათუმის ბულვარში, ერთ-ერთი ზონის გაუქმების პროცესებსაც უკავშირდება, რაც საზოგადოების წინააღმდეგობის შედეგად სამინისტრომ ვერ შეძლო.
რატომ აფინანსებს “რუსული კანონის” მხარდამჭერსა და ანტიდასავლური პოლიტიკით ცნობილ “ქართულ ოცნებას” დავით ბალაძე? კითხვებზე აჭარის ფინანსთა და ეკონომიკის ყოფილმა მინისტრმა არ გვიპასუხა.
