ამინდის გაუარესების გამო გადაიდო კრისტალბეთ ეროვნული ლიგისა და კრისტალბეთ ეროვნული ლიგა 2-ის პირველი ტურის მატჩები. ჯამში გადადებულია ხუთი შეხვედრა, რომლებიც 28 თებერვალსა და 1 მარტს უნდა გამართულიყო.
გადადებულ მატჩებს შორის არის ე.წ. „დინამოების დერბიც“, რომელიც 1 მარტს თბილისში უნდა ჩატარებულიყო. დინამო თბილისი-ისა და დინამო ბათუმი-ის შეხვედრა 11 აპრილამდე გადაიდო.
ეროვნული ლიგის განცხადებაში ნათქვამია:
„კრისტალბეთ ეროვნული ლიგისა და კრისტალბეთ ეროვნული ლიგა 2-ის 28 თებერვალსა და 1 მარტს გასამართი პირველი ტურის ხუთი მატჩი – იბერია 1999 v მეშახტე, დილა v რუსთავი, დინამო თბილისი v დინამო ბათუმი, თელავი v არაგვი, გარეჯი v ოდიში 1919 – მეტეოროლოგიური პირობების გამო გადადებულია“.
„დინამო ბათუმი“ ეროვნული ლიგის 2026 წლის სეზონის პირველ მატჩს საკუთარ მოედანზე გამართავს. 7 მარტს, მეორე ტურის ფარგლებში, ბათუმელები „გაგრას“ დაუპირისპირდებიან.
