„ერთი ამბავი ევროპაზე“ – ბათუმში გამართული შეხვედრის ფარგლებში სპიკერებმა შეკრებილ საზოგადოებას თავიანთი გამოცდილებები გაუზიარეს. ისაუბრეს ევროპაში ცხოვრების, განათლების მიღებისა და განვითარების შესაძლებლობებზე, ასევე, იმაზე თუ რა მოიტანა მათთვის ევროპამ.
მომხსენებლებმა კონკრეტული მაგალითების მეშვეობით გაამახვილეს ყურადღება ევროპულ სიკეთეებზე. შეხვედრა ასევე, მოიცავდა დისკუსიას, სადაც სპიკერები სტუმრების კითხვებზე პასუხობდნენ. მონაწილეებისთვის დაგეგმილია კონკურსი, რომლის ფარგლებშიც გათვალისწინებულია საჩუქრები.
შეხვედრა „ევროკავშირი განათლებისთვის“ კვირეულის ფარგლებში გაიმართა, რომელსაც არასამთავრობო ორგანიზაცია „განათლების პოლიტიკის ცენტრი“ USAID-ის სამოქალაქო საზოგადოების ჩართულობის პროგრამის მხარდაჭერით ახორციელებს.
