სურსათის ეროვნულ სააგენტოში გაიმართა შეხვედრა იმ ვეტერინარული კლინიკების წარმომადგენლებთან, რომლებიც საქართველოს სხვადასხვა რეგიონში ჰიპერპოპულაციის პროგრამის ფარგლებში პატრონიანი ძაღლების სტერილიზაციას, ასევე მათი ერთიან ელექტრონულ ბაზაში რეგისტრაციასა და ჩიპირებას უზრუნველყოფენ.
სააგენტოს ინფორმაციით, შეხვედრაზე სურსათის ეროვნული სააგენტოს ხელმძღვანელმა გიორგი იაკობაშვილმა კერძო სექტორსა და სახელმწიფოს შორის თანამშრომლობის მნიშვნელობაზე ისაუბრა და აღნიშნა, რომ პროგრამის ეფექტიანი განხორციელებისთვის მონაწილე მხარეებს შორის მუდმივი კომუნიკაცია აუცილებელია.
მისი თქმით, ადამიანის ჯანმრთელობისა და საზოგადოებრივი უსაფრთხოების დაცვის მიზნით, მნიშვნელოვანია როგორც უპატრონო და მიკედლებული, ისე პატრონიანი ძაღლების იდენტიფიკაცია, რეგისტრაცია და ჩიპირება. საჭიროების შემთხვევაში კი ძუ ძაღლების სტერილიზაცია, რომელსაც სააგენტოსთან თანამშრომლობით კერძო ვეტერინარული კლინიკები ახორციელებენ.
გიორგი იაკობაშვილის განცხადებით, აღნიშნულ პროცესში განსაკუთრებული მნიშვნელობა ადგილობრივი თვითმმართველობების აქტიურ ჩართულობასაც ენიჭება.
მიუსაფარი ძაღლები – ბათუმის აქციების ერთგული თანამგზავრები
ჩაქვში მიუსაფარ ცხოველთა თავშესაფარს აშენებენ – „კუპატას“ დაპირება შეუსრულებელი დარჩა
საარჩევნო პროგრამები მიუსაფარ ცხოველებზე ზრუნვის გარეშე
