შინაგან საქმეთა სამინისტროს ინფორმაციით, თურქეთის რესპუბლიკის მიერ ძებნილი ორი პირი ჯგუფურად ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვა-ტარებისა და საქართველოს სახელმწიფო საზღვრის უკანონო კვეთის ბრალდებით დააკავეს.
უწყების ცნობით, ბრალდებულების პირადი და დროებითი საცხოვრებელი ბინის ჩხრეკისას ნივთმტკიცებად ამოიღეს ორი პისტოლეტი, სამი მჭიდი და 129 ვაზნა. გამოძიებით ასევე დგინდება, რომ ორივე დაკავებული თურქეთის რესპუბლიკაში სხვადასხვა მძიმე დანაშაულისთვის იძებნებოდა.
საქმეზე გამოძიება საქართველოს სისხლის სამართლის კოდექსის 236-ე და 344-ე მუხლებით მიმდინარეობს, რაც 11 წლამდე ვადით თავისუფლების აღკვეთას ითვალისწინებს.
