შინაგან საქმეთა სამინისტროს ინფორმაციით, ფინანსური სარგებლის მიღების მიზნით, წინასწარი შეთანხმებით ჯგუფის მიერ კომპიუტერული მონაცემების ხელყოფის ბრალდებით ერთი პირი დააკავეს, ხოლო მეორე პირის მიმართ სისხლისსამართლებრივი დევნა დაუსწრებლად დაიწყო.
გამოძიების ვერსიით, ბრალდებულებმა უნებართვოდ შეაღწიეს უცხო ქვეყნის მოქალაქის საბანკო ანგარიშზე და მართლსაწინააღმდეგოდ 58 000 აშშ დოლარი მიითვისეს. პოლიციამ ერთ-ერთი ბრალდებული მოსამართლის განჩინების საფუძველზე დააკავა. მეორე ბრალდებულს დაუსწრებლად წარედგინა ბრალი და მასზე ძებნა გამოცხადდა.
გამოძიება საქართველოს სისხლის სამართლის კოდექსის 286 მუხლით მიმდინარეობს, რაც სასჯელის სახით 10 წლამდე ვადით თავისუფლების აღკვეთას ითვალისწინებს.
