საქართველოს საკონსტიტუციო სასამართლოს მოსამართლე ირინე იმერლიშვილი თანამდებობიდან ვადაზე ადრე წავიდა.
სასამართლოს მიერ გავრცელებული ინფორმაციით, იმერლიშვილს უფლებამოსილება საკუთარი განცხადების საფუძველზე, საკონსტიტუციო სასამართლოს თავმჯდომარის 2025 წლის 20 ოქტომბრის №2 განკარგულებით შეუწყდა.
„საქართველოს საკონსტიტუციო სასამართლო უსურვებს მას წარმატებებს მომავალ საქმიანობაში,“ – აღნიშნულია სასამართლოს მიერ გავრცელებულ განცხადებაში.
ირინე იმერლიშვილი საკონსტიტუციო სასამართლოს წევრი 2017 წლიდან იყო. მანამდე იგი ეროვნული უშიშროების საბჭოს მდივნის თანამდებობებს იკავებდა.
