ბოლო ერთი კვირაა, რაც აჭარის თითქმის მთელს სანაპიროზე მეთევზეთა უჩვეულო რაოდენობაა. ფაქტის ამსახველი ფოტო-ვიდეო კადრები სოციალურ ქსელში ვრცელდება. ზღვაში მოქალაქეები დიდი რაოდენობით თევზს იჭერენ.
საქმეე ისაა, რომ შტორმის შედეგად თურქეთში, ზღვაში არსებული თევზის აუზი დაზიანდა, რის შედეგადაც ღია წყალში ათასობით ორაგული აღმოჩნდა. თურქული მედიასაშუალებების ცნობით, რკინის კონსტრუქცია ჰოფას პროვინციაში დაზიანდა, რომელიც ადგილობრივი საწარმოს საკუთრებას წარმოადგენდა.
ირკვევა, რომ თევზი საქართველოს სანაპიროების გარდა, თურქეთის დიდ ნაწილზეც გაიფანტა. ორაგულის გალიების კონსტრუქციის ნაწილები ბათუმში, ახალ ბულვარშია გამორიყული.
ინფორმაციისთვის: თურქეთში, მარიკულტურა საკმაოდ განვითარებულია. სამსუნის მეთევზეთა ასოციაციის პრეზიდენტის თქმით, აკვაკულტურის სექტორი თურქეთში მუდამ მზარდია
აქვე დაგაინტერესებთ: მარიკულტურა არის ზღვაში რკინის კონსტრუქციით მოწყობილი გალიები, სადაც თევზის მოშონებაა შესაძლებელი. ტერმინი „მარიკულტურა” ნიშნავს სასარგებლო წყალმცენარეების, მოლუსკების, თევზებისა და სხვა ორგანიზმების მოშენებას ზღვებში.
