„ნაციონალური მოძრაობის“ ერთ-ერთი ლიდერი, მიშა ბოლქვაძე, სოციალურ ქსელში წერს, რომ მას უთვალთვალებენ. ბოლქვაძის თქმით, დღეს, სოფელ ახალშენში, მისი საცხოვრებლის მიმდებარედ რამდენიმე დაბურულ მინიანი ავტომობილია გაჩერებული.
„აჭარა თაიმსი“ დამატებითი დეტალების დაზუსტების მიზნით მიშა ბოლქვაძეს ესაუბრა. ოპოზიციონერმა აღნიშნა, რომ იგივე ავტომობილები სკოლასა და ბაღში მისვლისასაც დააფიქსირა. ბოლქვაძე მიიჩნევს, რომ ეს ფაქტი მის დაშინებას ემსახურება. საუბრობს იმაზეც, რომ მსგავსი შემთხვევები წინასაარჩევნო პერიოდშიც დააფიქსირა.
“ვერც თვალთვალით, ვერც მუქარით, ვერც დაშინებით ვერ გამტეხთ. მიშა ბოლქვაძე სანამ ცოცხალი იქნება, არ შეწყვეტს ბრძოლას სამშობლოს უკეთესი მომავლისთვის. რაც არ უნდა მაბრკოლოთ, მბლოკოთ და საარსებო გზები მიხერგოთ, ამ ბრძოლას ჩვენ მოვიგებთ,” – წერს მიშა ბოლქვაძე სოციალურ ქსელში.
