საქართველოში 3 აპრილის დღის ბოლოდან 5 აპრილამდე დროგამოშვებით ნალექია მოსალოდნელი, ზოგიერთ რეგიონში კი, ძლიერი. ინფორმაციას გარემოს ეროვნული სააგენტო ავრცელებს.
მეტეოროლოგების ცნობით, ამ პერიოდში შესაძლებელია ელჭექი და ქარის გაძლიერება. ხოლო 5-6 აპრილს აღმოსავლეთ საქართველოში, მათ შორის თბილისი-ში, დასავლეთის მიმართულების ძლიერი ქარია მოსალოდნელი.
სპეციალისტები მოსახლეობას აფრთხილებენ, რომ ინტენსიურმა ნალექებმა შესაძლოა გამოიწვიოს მდინარეებზე წყლის დონის მნიშვნელოვანი მატება, მაღალმთიან რაიონებში ზვავების ფორმირება, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების გააქტიურება. გარემოს ეროვნული სააგენტოს შეფასებით, საფრთხის დონე საშუალოა.
