ცხოველების გამოსახვა ხელოვნებაში ჯერ კიდევ, პრიმიტიული ადამიანების მიერ, გამოქვაბულში შექმნილ ნახატებში გვხვდება. მე-17 საუკუნიდან, ფერწერაში ოთხფეხა მეგობრების როლი საგრძნობლად გაიზარდა და ისინი დიდი მხატვრების ინსპირაციის წყაროდ იქცნენ. სტატიაში განხილულია რამოდენიმე ნამუშევარი, რომლებიც ცხოველთა მოყვარულებს კიდევ უფრო შეგაყვარებთ თქვენს ერთგულ მეგობრებს.
მე-20 საუკუნიდან, თანამედროვე ხელოვნებამ, ცხოველების გამოსახვის ყველა წინამორბედი ტექნიკა განავითარა – ცხოველებმა შეინარჩუნეს როგორც მეტაფორული, ასევე აღწერილობითი ელემენტები და განიხილებოდნენ როგორც თანაბრად არსებითი არსებები.
ცნობილი მხატვრების ზოგიერთი ცხოველური ნახატი შეიქმნა ისე, რომ მხატვარს ცხოველი საერთოდ არ უნახავს და მათი გარეგნობა მხოლოდ სხვა ქვეყნებიდან მოგზაურების აღწერებიდან იყო შექმნილი.
Briton Riviere, R.A. (1840-1920) – Old playfellows
Old Playfellows რივიერის კარიერის მწვერვალზე დაიხატა. ნახატი მხატვრის მიერ 1887 წლის მანჩესტერის საიუბილეო გამოფენაზე გამოიფინა. მან ასევე აჩვენა ოთხი სხვა ნამუშევარი, მაგრამ “old playfellows” Art Journal-ის კრიტიკოსმა, როგორც “საუკეთესო” ნახატი ისე შეაფასა.
მხატვრის სიყვარული და ცოდნა ამ საკითხზე ანატომიურ შესწავლასა და ლონდონის ზოოპარკში ხშირ ვიზიტებს ეფუძნებოდა. მისი ძაღლების ნახატები ხშირად იუმორისტული და სენტიმენტალური ხასიათისაა.
A Friend in Need (1903) by C. M. Coolidge
კულიჯმა ზეთის ნახატი 1903 წელს მარკეტინგული ფირმა brown & Bigelow-ისთვის შეასრულა. ძაღლების გემბლინგი კი, კომპანიამ სარეკლამო ფოსტებისთვის გამოიყენა.
კულიჯს ძაღლების ნახატებმა, განსხვავებული ანთროპომორფული გადმოცემის გამო, პოპულარობა მალევე მოუტან
The Bachelor Party (1896) by Louis Wain
ლუის უეინის “ბაკალავრიატის წვეულება” დაახლოებით 1939 წელს შეიქმნა და კატების მოყვარულთა შორის მალევე გახდა პოპულარული.
ცნობილი იყო, რომ უეინი სერიოზულ ფსიქიკურ დაავადებებს ებრძოდა. ხელოვნებათმცოდნეების თქმით, მისი ბოლო ნამუშევრები დამაჯერებელს ხდის იმ ფაქტს, რომ ხელოვანი შიზოფრენიით იყო დაავადებული.
მიუხედავად მისი მუდმივი ფსიქიკური პრობლემებისა, “უეინის კატებმა”სახალისო დატვირთვის გამო დიდი მოწონება დაიმსახურეს.
Head of a Dog (1930) by Edvard Munch
ედვარდ მუნკი, გამოჩენილი ნორვეგიელი მხატვარია, რომელმაც რამდენიმე გამორჩეული ნამუშევარი შექმნა მთელი თავისი კარიერის განმავლობაში.
მას შემდეგ, რაც ბოლო წლებში მხატვარი საზოგადოებას ჩამოშორდა, მუნკმა ღრმა კავშირი დაამყარა შინაურ ცხოველებთან.
ცნობილია, რომ მუნკს ოთხფეხა მეგობარი კინოთეატრშიც კი დაჰყავდა. იმ შემთხვევაში, თუ ფილმის მდინარეობისას ძაღლი ყეფას დაიწყებდა, მხატვარი ადგილს ტოვებდა.
