ქობულეთში, აღმაშენებლის ქუჩის #291-ში უკვე მიმდინარეობს სამი თაუერის მშენებლობა. „ალიანს რენესანსის“ აპარტამენტები, 18, 36 და 44 სართულიანი იქნება. ცათამბჯენების გვერდით, ასევე, 14 სართულიანი საპორტულ-გამაჯანსაღებელი კომპლექსიც შენდება. ტერიტორია, სადაც მშენებლობა მიმდენარეობს 2 ჰექტარზე მეტია. პროექტის დასრულების შემდეგ, ცხადია შემცირდება ფიჭვების რაოდენობა, რითაც ქობულეთის ზღვისპირეთი გამორჩეულია.
ტერიტორია აჭარის ფინანსთა და ეკონომიკის სამინისტრომ 2018 წელს პირობიანი ელექტრონული აუქციონის წესით, 1 მილიონ 4 68 500 ლარად გაყიდა. „ალიანსი ქობულეთმა“ მოქალაქეების დასაქმება და ინვესტიციის განხორციელების ვალდებულება აიღო.
თავდაპირველად ტერიტორიაზე კოტეჯების მშენებლობა იგეგმებოდა, თუმცა კომპანიამ მოგვიანებით პროექტი შეცვალა. აპარტამენტებისა და სპორტულ გამაჯანსაღებელი ცენტრის გარდა, ტერიტორიაზე კაზინოც შენდება.
ინფორმაციისთვის: თაუერების მშენებელი კომპანიის მფლობელები „ქართული ოცნების“ მხარდამჭერები და შემწირველები არიან.
