სამოქალაქო აქტივისტი ლუკა ნაცვლიშვილი გვიან ღამით, აჭარის მთავრობის სახლთან დააკავეს. შინაგან საქმეთა სამინისტროს ინფორმაციით, ნაცვლიშვილი ადმინისტრაციული წესით იქნა დაკავებული წვრილმანი ხულიგნობისა და სამართალდამცავების კანონიერი მოთხოვნისადმი დაუმორჩილებლობის მუხლებით.
აქტივისტი ამ დროისთვის წინასწარი მოთავსების იზოლატორშია გადაყვანილი. სამოქალაქო აქტივისტების განცხადებით, პოლიციამ ნაცვლიშვილს დაკავების მომენტში არ განუმარტა, თუ კონკრეტულად რის საფუძველზე ხდებოდა მისი დაკავება. მათი თქმით, პოლიციელებმა ის მანქანაში ძალის გამოყენებით ჩასვეს.
ინციდენტი აჭარის მთავრობის სახლთან მოხდა, სადაც ნაცვლიშვილი თანამოაზრეებთან ერთად იმყოფებოდა. მათ შორის კამათი პირად საკითხებზე მიმდინარეობდა, რა დროსაც აქტივისტი დააკავეს.
აქტივისტების ნაწილი ფიქრობს, რომ საქმე შეიძლება უკავშირდებოდეს ნაცვლიშვილის კრიტიკულ პოზიციებსა და საჯარო გამოსვლებს, რაც მათივე თქმით, ზრდის ხელისუფლების მხრიდან ანგარიშსწორების ეჭვს.
ჩართვა პოლიციის განყოფილებიდან ⇓
ჩართვა პოლიციის განყოფილებიდან – ლუკა ნაცვლიშვილი იზოლატორში გადაიყვანეს ⇓
