„ქართული ოცნების“ შემოსავლების სამსახურის ინფორმაციით, სარფის საბაჟო გამშვები პუნქტის მებაჟე ოფიცრებმა, შინაგან საქმეთა სამინისტროს ცენტრალური კრიმინალური პოლიციის დეპარტამენტის თანამშრომლებთან კოორდინაციით, ერთობლივად ჩატარებული ღონისძიების შედეგად განსაკუთრებით დიდი ოდენობით ნარკოტიკული საშუალება, კოკაინი აღმოაჩინეს.
შემოსავლების სამსახურის ცნობით, მებაჟე ოფიცერმა ეჭვის საფუძველზე უცხო ქვეყნის მოქალაქე შეაჩერა, რომლის ხელბარგის დეტალური დათვალიერების შედეგად გამოვლინდა სამი ჰერმეტული შეფუთვა. საერთო ჯამში ამოღებულია 300 გრამამდე ნარკოტიკული საშუალება „კოკაინი“.
საქმის მასალები შემდგომი სამართლებრივი რეაგირების მიზნით გადაეცა შინაგან საქმეთა სამინისტროს. ფაქტზე მიმდინარეობს შესაბამისი საგამოძიებო მოქმედებები.
