სალომე ზურაბიშვილი, ბათუმში მიმდინარე საპროტესტო აქციის მონაწილეებს სიტყვით მიმართა და კიდევ ერთხელ დაადასტურა, რომ ბრძოლა საქართველოს თავისუფლებისა და ევროპული მომავლისთვის გაგრძელდება.
„ეს არის მართალი ბრძოლა და მართალ ბრძოლაში არასდროს მარცხდება ქართველი. თქვენთან ვიქნები ბოლომდე, რადგან ეს ბოლო ჩვენია, ჩვენი გამარჯვება, საქართველოს გამარჯვება“, – განაცხადა სალომე ზურაბიშვილმა.
საქართველოს მეხუთე პრეზიდენტმა “ბათუმელების” დამფუძნებლის დაპატიმრების საკითხიც შეაფასა.
„მზია ამაღლობლია ჩვენი ქვეყნის ღირსების და მომავლის სახე, რომლის ირგვლივაც ყველა გაერთიანდა. ყოფილი პრეზიდენტი დარწმუნებულია, რომ მზია ამაღლობლი, რომელიც ახლა საქართველოს სახე და სიმბოლოა, კარგად გაუმკლავდება ამ რთულ გზას. ჩვენ არა მხოლოდ ერთმანეთთან ვართ, არამედ ჩვენი ბრძოლა უკვე გარეთაც იგრძნობა. ევროპისა და ამერიკის მხარდაჭერა იზრდება, რაზეც ნათლად მიუთითებს ევროპის საბჭოს და ამერიკელი პარტნიორების აქტიური პოზიცია“, – აღნიშნა ზურაბიშვილმა.
სალომე ზურაბიშვილი დღესვე, აქტივისტებსა და მათი ოჯახების წევრებს შეხვდა.
