საქართველოს რეგიონებში მცხოვრები ქალების ხმა ნიუ-იორკამდე მივიდა, ამის შესახებ ”ქალთა საინფორმაციო ცენტრი” წერს.
ორგანიზაციის ცნობით, საინფორმაციო ცენტრის მიერ გამართულ ღონისძიებაზე, ნათლად წარმოჩინდა ის მიღწევები და საჭიროებები, რისთვისაც ქალთა უფლებების გაუმჯობესებისა და გენდერული თანასწორობის გზაზე იბრძვიან.
“ღონისძიებას, რომელსაც საერთაშორისო საზოგადოება, დიპლომატიური კორპუსის წარმომადგენლები, მსოფლიოში მოღვაწე ქალთა უფლებადამცველები ესწრებოდნენ, მთვარ ხაზად გასდევდა ფოტოგრაფ ნათელა გრიგალაშვილისა და კარიკატურისტ ზალიკო სულაკაურის ნამუშევრები, რაჭიდან და ხარაგაულის მუნიციპალიტეტიდან, ქალების შესახებ.
ფოტოები და კარიკატურები ეხმიანება სოფლად მცხოვრები ქალების საჭიროებებსა და მათი რეალური ყოფის გამოძახილს.
WIC-მა საერთაშორისო საზოგადოებას წარუდგინა ხაშურის მუნიციპალიტეტში მცხოვრები მეწარმე ქალების მიერ შექმნილი თოჯინები, რაც ქალთა ეკონომიკური გაძლიერების კარგი მაგალითია და ამავდროულად, ხაზს უსვამს ქართულ კულტურას.
გენდერული მეინსტრიმინგი საქართველოში, ქალების გაძლიერება და ინკლუზიური პოლიტიკის ხეშეწყობა, მშვიდობის მშენებლობის პროცესებში ახალგაზრდების მონაწილეობის მნიშვნელობა – ეს კი ის ძირითადი თემებია, რომელთა შესახებაც, ერთის მხრივ, გაზიარდა გამოცდილება და კარგი პრაქტიკები, მეორე მხრივ კი გაიმართა დისკუსიები, საერთაშორისო საზოგადოების ჩართულობით.
ღონისძიება – ქალთა გაძლიერება და გენდერულად ინკლუზიური მომავლის ფორმირება – გერმანიის საერთაშორისო თანამშრომლობის საზოგადოებისა (GIZ) და დანიური ორგანიზაცია KVINFO-ს მხარდაჭერით ჩატარდა,”- წერია ორგანიზაციის მიერ გავრცეკებულ ინფორმაციაში.
